السلام عليكم و رحمة الله و بركاته انا بنت في عمري 25 سنة ,المهم ما عرفتش منين نبدا انا كلي عقد,انبدا ليكم من اول عقدة هي لون البشرة ديالي انا الحمد لله راضية على راسي و لكن ديما كنسمع هدرة كتجرحني حيت شحال من واحد كيحشي ليا الهدرة بحال*عزية واخا هاكاك ضريفة* *كل ما كنتي سمرة كورا تزوجت بيك * *كيغايخرجو ولادنا * واليدة كاتقول ليا بغيت ليك بنت بيضة و زوينة بحالا الجمال كيتقاس بلون البشرة ,,,كنعيش هاد العنصرية حياتي كاملة ملي كنت صغيرة واخا هاكاك ديما كنعطي لراسي المورال و كنحاول نعيش و ما تاترش فيا هاد القضية و لكن مع التراكم ضروري مخليا فيا اثر,
مشكلتي التانية انني خدمت مؤخرا في مدينة غير مدينتي و كنتخلص برتبة قليلة 2000 درهم و هاد الخدمة غير بالمعرفة و ماكنستافد والو منها و الخدمة قليلة لدرجة انني كنحس براسي كنقتل راسي فهاد الخدمة ,و بعيدة على الدار و ساكنة مع ناس من العائلة و لكن هاد الناس معصبين بزاف و غير كيقلبو علاياش يغوتو و ينتاقدو ,ضروري مايدوزش نهار و مانسمعش النكير و كيوصل بعض الخطرات للانسان يجرحك في مشاعرك, هادو كملو ليا لي خصني على بزاف ديال المشاكل و الصدمات وقعو ليا ,منقدرش نعاود ليكم كلشي هنا ,,,,,, ولييت معصبة بزااااف و كنميل للوحدانية ولييت كندخل من الخدمة كنمشي نيشان البيت و نبدا نقرا القراان باش منفكرش فهاد الدنيا,وليت حتى فالخدمة غير ساهية و ما بقيتش كنقدر نركز و نخدم ,مابقالي لا خاطر لا والوو,كنمشي لدارنا كنعطيها غير النعاس ,بغيت نزيد نكمل القراية على الدبلوم ووااالوو مكنقدش لا ماديا ولا حتى التوقيت,كنبغي نقرا بوحدي والو كنفشل بوحدي ,,,نسيت حتى الدومين الي قريت عليه
بغيت نرجع لمدينتي و نقلب على خدمة اخرى حدا والديا و لكن ملقيتش و اكترية حيت انا لابسة الحجاب الطويل ,اغلبية كيشوفوني كيقوليك اما بغينا بنات بلا حجاب و لا سيري حتى نعيطو ووالو ,
ما عرفتش اشنو غادي ندييير تلفت ما عرفت فين نحط الراس ,حتى الصحابات كانت عندي وحدة سافرات تزوجات و تلهات بدارها ,ما عرفت واش نرجع دارنا نكلس في الدار لا خدمة لا زواج لا والو ,ولا نبقا فهاد الخدمة الي ما فيها لا خلصة لا استفادة و عايشة مع ناس ماحاملينيش ولا ما نعرفت حرت ,كنت تنتمنى نعيش حياة احسن من هاكا و لكن هادا هو مكتابي و ما كرهتش تنصحونيي ,انا مازال بعقلي غير حيت متقربة من الله عز و جل و كنرجع ليه فكل محنة و لكن ما كرهتش الي يفيدني و ينصحنيي ,الله يسهل عليكم و يفرجها على كل مسلم يا ربي.
بقلم Ahmed Al-Saadi
إسمـي احمـد مـن مواليـد سنـة 1992 ،بلـدي هـو العـراق، أهتم بتقنيـات الحاسـوب وتطويـر المواقـع والمدونات اهم البرامج التي استخدمها في اعمالي الفوتوشوب, السويش ماكس وغيرها.| روابط هذه التدوينة قابلة للنسخ واللصق | |
| URL | |
| HTML | |
| BBCode | |
0 التعليقات:
إرسال تعليق